نختار منين الوطن ..
وإحنا اللى من طينه ..؟!!
وأبويا كان زينا ..
وطلعنا على دينه ..!!
_ حب الوطن ..
_ حبيت .
_ إحمى الوطن ..
_ جندى .
_ إدى الوطن ..
_ إديت .
كل اللى كان عندى
فجأة لقيتنى بقيت
يادوب إزازة زيت
وكام رغيف ف الشهر
سكر مابيحليش ..
طعم المرار والقهر ..
أخرتها قطمة ضهر ..
طلع الوطن .. هندى ..!!
طلع الوطن هندى
وانا فيل بزلومة
حلمه الكبير لقمة
همه التقيل نومة
وممرطه غلبه
قاعدين على قلبه
وهمهم حلبه
ف القعدة والقومة ..!!
حتى اللى حبيتها
و ف قلبى خبيتها
لتشوفها عين بصاص
مخلوقة من صلصال
وانا يللى من فخار
منفعش أكون تمثال
للفرجة والدهشة
انفع طابونة عيش
للخلق تتعشا .. !!
وأنفع أكون سبحة
أو سنبلة طارحة
او إيد تشق طريق
منفعش أكون كرباج
على جتة المخاليق ..!!
شيبلاقصيدة رائعة وشاعر أروع