ملحوظه…..
الظل يرقص (سلو)
بنص خطوه
ويمشى ع التشكيل بمنطق….
كل اللى فات م السطر كان هذيان
وينادى لحببته البعيده القريبه ف الحلم
(تسمحيلى بالرقصه)
يظهر شرود العلامات على وشها
والذات تحاور بعضها بالأسئله
ممكن أنا !!!!!!!
أصبح الباليرنا ع الخطوه
وامسك عرايس فتل ينطقوا روحى
واعلم الأحلام تكون صريحه ع اللعبه
سكوووووووت……
وصول لخطوه مع إختلاف الهوى
يمسك إيديه ع المعنى ويغنى
وكأن كل اللى فات تمهيد للخلود
إفتحوا …ستاير المسرح على الدنيا
وارسموا البلياتشو جوايا بالأطفال أنا…
قبل ما الذات الأنا تكر ع الحاله
واكتب السبورة ممسوحه بالكوابيس
وارجع محلك سر ع الظل
من غير ونيس
