فتحوا المغارة من
خمسةو ستين سنة
وفتحوا فيها ييجي
خمســـــــــــــة و ســــــــــــــتين بـــاب
وعلي بابا بقي أربعين على بابا
وربعميت حرامـي و كتـروا الأبـــــــواب
وعـلي كـل بـاب حـطــوا كـام بـــــــواب
بـــواب مـــيري و يقاضي
و بواب معاه رشاش
مليان ذخيرة مش فاضي
للحماية و للغواية
و بالــــــــــمرة يـأمـن الأبـــــــــــــــــواب
…..
أصل المغارة
فيها خيرات كتيير
يــــــــــــــــوووه يا ولــداه
لحد عارف عددها
ولا المـــغارة
قالت في يـــــــــــــوم الأه
لا ليـــــها صاحب
ولا حد بيحاسب
تحـــــــس الناس
سكارى أو عبايط
منهم اللي غايب
و منــــهم اللـــي تــــــــــاه
مغارة كل من ييجي يلقاها مفتوحة
و يحلف ما يسيبـها الا مفشـــــوخة
ويموت يا مسموم يا مقتول يا
مخلوع وجنازة ميري اللـه عليــه اللـه
شريف و يجي شريف أشرف م اللي قبله يسبل و يقول كلام مَاحْـــــــــلاه
والناس ليها الكلام واللي يسَبِل
واللـي يرقص واللـي يطـبل معـــــــاه
دَرَبُكّه منصوبه
صُبــــــــــــــــح و مســـــــــــــــــــاه
……
مَســـــــــــــيرة و مـــاشــــــــــــــيــة
بســـرقة مكشــوفه مــش خـافيــــة
وعلي النواصي
تلقي الرقاصين و الشحاتين
و نــاس حـــــــــــــــــــــــافـيـــــــــة
جايين للتأييد و التفويض
وعلي ناصية تانية
تلقي مصمصة شفايف
و نـاس مرعـوبه و نـاس خـايــــفــة
و على ناصية تالته عيون صابها
عمى القلب وعامـله مش شـايـــفــة
