ولسه ماجاش صلاح الدين
ولا بانت بيبان حطين
ولا فكوا الحصار عنها
وفرقتونا بإسم الدين ..!!
“حماس” ..!!
فين هو الحماس يا ناس
وفين “الفتح” با أقصى
مادام القدس فيه أنجاس
ماتتسموش رجال لسه ..!!
وفبن “المجد” يا عروبة
ونص بلادنا منكوبة
ودم الحر ف الشارع
بيغسل عارنا بالطوبة
وإنتم ع لسراط ماشيين
ولسه ماجاش صلاح الدين ..!!
ماتتفاوضوش بأسامينا
لا ف الموصل ولا ف سبنا
ولا ف سوريا دى ليها معاد
سببونا نلم بعضينا
ونطلع ع الحجاز حرة
نقيم الفرض بالمرة
نقابل ربنا خالصين
مانستناش صلاح الدين ..!!
