حاجات فى الدنيا …..بقلم محمود يونس

فيه حاجات فى الدنيا دى تحير
لا ليها منطق ولا تفسير
تلاقى القط بيهوو
وبيأثر فى خلق كتير
وتلقى أمنا الغوله
بتتنفس من المناخير
بتضحك زى خلق الله
وبتعلم أصول الخير
وتلقى النسر فى الطينه
وعاجز حتى أنه يطير
وكائن حى عاش ميت
وحول نفسه لحجارة
عشان يستحمل التكسير
وقرد كان بيتنطط
بقى راسى كدا ف نفسه
وتسأله ليه يقول تغيير
وكلب البحر
ساب الميه واتغير
وتسمع صوته تستغرب
كأنه زئير
وسيد قشطة فى زياره
لأهل الأرض
وده عادى
بس غريبه إنه يطير
وادينا شايفين
عروسة البحر
بتجرجر ف يوم العرس
وكانت فاكره
إن الحب سره ف بير
وادى غزالة
كانت ماشية بتدلع
وتعبان ماشى يتلوى
وبيصفر
تقوله سم على دمك
بلاش تصفير
محمود يونس