قسمه ونصيب …بقلم خالد أحمد

قسمه ونصيب
وقدر على الجبين مكتوب
وكل جرح له دواء
إلا فراق الأحبة
وفراق
حبيب من غير محبوب

روحنا كتير وجينا
ضحكنا كتير وبكينا
واللي أتكتب لازم يكون
حتى أن كان موال حزين

بداية حكاية
ويا خسارة
الحكاية انتهت
لحظه بداية

راح أقولك على الحكاية
يا قسمتي أنت ونصيبي
حلمت الليلة بيكِ بحلم ليكِ
أنك لغيري .. بـ يجوزوكِ
تخيليِ كنتِ عروسه
لكن فـ عينكِ كانت دمعه
وبأيدكِ ماسكه بيها شمعه

شفت ..
زفه بموسيقى وناس حوليكِ كتير
لكن فستانك ما كنش أبيض
كان لونه اسود لكن حرير

وفـ ثواني كانت أغاني
ودقت طبول سمعها أنا حزينة
وشفت العريس فرحان بـ يرقص
على صوت سارينه

وشباب ماسكه مسدسات
بـ ترقص وتضرب في الهواء
بـ التهاني بصوت الرصاص
وفـ لحظة الدم سال
غطى الكراسي .. غطى التراب
والكل يجري . الكل راح . عم الخراب
وأتبدل الفرح بـ صوت غراب

وأنتِ الوحيدة اللي واقفة
مهزوزة .. مذهولا ..
لسه فـ مكانك
حزينة تبكي عـ اللي جرالك
مش لاقيه حد تسأليه
عـ للي جرى أدام عينيكِ
سبحانه
الفرحة كانت من لحظة بين أيديكِ
وفي ثواني أتبدلت بكارثة ليكِ

شوفي يا قسمتي أنتِ ونصيبي
ألقسمه والنصيب مش حكاية
هو قدر وعلى الجبين مكتوب
واللي أنكتب أتكتب
ولازم في يوم راح يكون معلوم
وسبحانه من له الدوام
مش مكتوب له يتهنئ معاكِ
وكانت ديه نهاية العريس الحبوب

هو ده يا قسمتي الحلم
اللي حلمته وحياة عينيكِ
بداية نهاية
لو ما كنت في يوم أنا ليكِ
وبداية نهاية
للي راح يقرب منك في يوم
ويتجرأ ويطلب من أهلك أيديكِ
………………
بقلم ..
خالد أحمد
الشهير بـ خالد العطار