كتاب وشعراء

حـكـــــاية حـــــــب ….بقلم خالد أحمد

أنتِ عارفة أد إيه
شوقي وحنيني
أنتِ شايفه
من غرامك
ذاد لهيبي
كان ساعات القرب منكِ
تسوى عمري
كانت نظرة من عينكِ
ولا كلمة من شفايفكِ
ولا بسمه حلوة
فوق خدودكِ
ولا نظرة منى
على عودكِ
كل ما أتمنى
دلوقتي
أنتِ جنبي
بتكلم
بتأمل
بسمع كلامك
بمسك أديكِ
والمس خدودكِ
كان نفسي أضمكِ
نفسي أعيش عمري
اللي جاي جنبكِ
نفسي أحكي
عــ اللي شفته
في حبي لكِ
نفسي أخدكِ
فوق سحابة
تشلنا نسمه
وترمى بينا
فوق صحارى
ميكنش فيها
حد غيرنا
أبني بتنا
بيت صغير
فرشه يكون حبي ليكِ
نفسي أخدك
فوق حصان
أبيض وأطير
ذي فارس الأحلام
لما يخطف حبيبته
وهى لبسه
فستانها الأبيض
ذي متكون حوريه
من جنة نعيم
أضمكِ جوه صدري
وأعيش معاكِ
أحلى أيامي وسنينى
وتسمع الناس
عن حبي ليكِ
فيحكوا عنا
أحلى حكاوي السنين
وتيجي الأجيال وتحكي
عن عاشق داب في حبه
وفى غرامه
عاش في حلمه
عاشق بنت حلوة
كل ما تمناه
يعيش معاها
في بيت صغير
يوهبها حبه وحياته
ويقضوا أحلى أيام السنين
كل دي أوهامي
ينطقها لساني
من كتر حبي ليكِ
كل كلمة
نطقها لساني
وخط بيها قلمي
ليكِ أنتِ
مش لحد تاني
حــ أعمل أيه
في أوهام قلبي
اللي بتخلي أفكاري
بتشد قلمي
عشان تكتبلك
أحلى المعاني
كل ده من كتر حبي
اللي معرفش أمتى
أعيشه معاكِ
للذكرى
افتكري يوم نظرت ليكِ
أتمنيت أجرى عليكِ
أضمك بين أديه
أبوح بكل أشواقي وحنيني
اللي عايشه وحـ أعيشه ليكِ
حـكـــــاية حـــــــب
كلمات الشاعر خالد أحمد
الشهير بـ خالد العطار

تعليق واحد

  1. وافر من الشكر والتحية لجريدة العربي اليوم والقائمين عليها على النشر وأخص بالذكر رئيس التحرير الإعلامي الكبير الأستاذ أحمد سعد ورئيس التحرير التنفيذي الإعلامي الكبير الأستاذ أشرف الهندي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى