إلى حبيبتي .. ظلماني ….بقلم خالد أحمد

أكتب هذه الكلمات في انسانة أحببتها أكثر من حياتي
لكن مع أول عاصفه قابلتنا تخلت عنى وشكت في حبى لها
وكان الفراق الذى فرق بيننا .. أتمنى أن تقرأ هذه الكلمات
لتعلم أنني مظلوم وهي قد ظلمتني
مع أنها لن تكون لي بعد كل ما كتبت لأنها تزوجت !
………..
أنتِ فكراني
ولا نسياني
يا للي ظلماني
فاكره !
فاكره أيام الهوا
أيام ماكنا سوا
أد أيه كان حلمنا
أد أيه كان حبنا
من أد أيه كنا هنا
من يوم.. من شهر.. من سنه ! لالا
ناسيتي أيام ألهنا
مش فاكره لما كنا هنا
أسألى الصخرة . دي صخرة حبنا
اللي ياما قعدنا عليها أنتِ وأنا
أسألى الرملة اللي بنينا بيها عشنا
أسألى قلبكِ ! أسألى عنيكِ أسأليها تقلنا
كان أد أيه حبنا
وأد أيه عشنا في هنآ
ودعينا ربنا أننا نبقى لبعضنا

ظــــــــــلماني !
ظلماني في كل ما شافت عنيكِ
ظلمتي القلب اللي ما دق ألا ليكِ
ظلمتي اللعين اللي سهرت تناديكِ
ظلمتي الحب اللي جمعني أنا بيكِ
مش ها ندم عليكِ
دموع عيني رمت صوره كانت ليكِ
حزن قلبي ده مش ليكِ
ده على الأيام اللي كانت تناديكِ
وللعين اللي بكت لحظه من حبها فيكِ
خساره كل دمعة حب نزلت على خد
أتمنى يحلم بين أيديكِ
خسارة قلب كان بيدق أول ما يسمع
صوتكِ أو يلاقيكِ
خسارة حبى اللي لو عشتي
تتمنى يرجع ثاني عمره ما حـ يرجع ليكِ

أنسى يا قلبي حب ضاع مع السنين
حب راح وخد معَه كل الحنين
خـ ليني أعيش ثاني وأنسى الأنين
من قلب خان عهدي في ثانيتين
خـ ليني أفكر في حب ثاني يكون بعيد
أنسى بيه اللي فات وأعيش سعيد
وأبنى بيت من حبنا أبنيه حقيقي من جديد
بقلم خالد أحمد
الشهير بـ خالد العطار