أجيب تاتش…..بقلم طلعت رجب

عدي الليل عليه
وما جيت
وفضلت استنى
وحدي وعانيت
سهر الليالي
ماكنش عليه جديد
بس قمر الليالي
معادش سعيد
غيبت عني ولقتني
وياه وحيد
اسأله ويسألني
عن العاشقين
وفجأه لقيت دموعه
سابقه دموعي بالعين
قالي
لو لسه باقي عشاق
وشوق وحنين
ماكنتش
بقت دي وحدتي
وقعدتي حزين
_____________
قمر الليالي قالي
العاشقين هجروني
و بالفيس و التاتش
استبدلوني
وبالتغريده و المسج
اكتفوا وسابوني
وبالأميل والواتس
بقوا يتكلموا
ومبقوش يعوزوني
وبقيت وحيد
وحدتك
من بعد ما فاتوني
______________
القمر لساه بضيه
منور الليالي
بس ماعادشي فيها
إلا أبو قلب خالي
وقلبي إللي إنت شاغله
بحيرتي وتوهاني
خوفي لا تكون ذي القمر
مانصحني وهداني
ٱجيب تاتش واراسلك
لا يشاغلك حد تاني