بهدوء …بقلم يونس ناصف

تعالي بهدووووء كده …
الورقة دي مش ورقة عادية دي الورقة أم مدنة (مأذنة) ،
دي كانت كنز وثروة بالملايين بسعر دلوقت .
بنسمع عنها في الأفلام القديمة مع البشوات و كبار الملاك والتجار بس
​الموظف كان بياخد حوالي 4 جنيه في الشهر. يعني الـ 100 جنيه كانت مرتبه سنتين ونص !
​ البقرة أو الجاموسة كانت ب7 جنيه .
يعني الورقة دي تشتريلك مزرعة فيها 14 بقرة وتشتري حتة أرض تسرح فيها
و​ متفكرش ترجع بخيالك لأيام الملك إلا لو كنت باشا إبن باشا !
وبالمناسبة المسجد المرسوم على 100 جنيه عام 1951 (في عهد الملك فاروق)
هو مسجد ومدرسة السلطان حسن، تحفة معمارية من أروع وأنضج الآثار المملوكية ،
و بناه السلطان الناصر حسن بن الناصر محمد بن قلاوون،
بين عامي 1356م و 1363 وهو مسجد ومدرسة للمذاهب الأربعة،
و كان مركز تعليمي وثقافى مهم .