حروف بضمير …..بقلم طلعت عامر

وبعد الشعر ما اتحنى ركب أمواجه واتمنى
تكون فى بحوره أشواق مع الأوراق بتتغنى
كلام الشعر له مقامات ، وله أوزان وله قافية
وصاحبه ان حتى تاه أو مات
فيفضل حرفه فيه عافيه
يصحى الناس فتتهنى ، حروفه بتدخل الجنه
وان اتجنى حروفه بسرعه تتوضى
وتتيمم فى قلب ديوان من الفضة
تالت تسعات ( 999) وفيها آهات
وفيها حاجات بتتصارع فتتأنى
ساعات تلميح ، ساعات تصريح
ساعات تكشف عن المعنى
بصوت مبحوح تداوى جروح
بتتصاحب على اوجاعنا
تفسر كل أوضاعنا ف شتا او صيف
بتحلم حتى برجعونا لأى وليف
حروف كالسيف بتدبحنا
لو اتحولنا يوم عن حق
حروف بضمير
وعمره مايبقى يوم مجهول
ولا يتخفى جوه ف شق
كلام الشعر له معنى وله مدنه
وعنه الناس ما تستغني