صابرة
وعقد الجيد
سنين ملضوم
بنا وبينك
وشطوط العشق
عمرها عن عيونا
ما غابت
سبعة وأدامها …
… ثلاثة أصفَار
عمرهم ما كانوا شمال
يا صابرة
ونسيج ولادك واحد
ولو اختلفوا في الدين
الرباط يا بهية متين
حاولوا كتير …
….. والجامع والكنيسة
كل يوم يقفوا واحد
مش أتنين
هلال وصليب
فاطمة وچوسفين
وأمين أيده في ايد
شنوده ….
…. طريق واحد
متصالحين
يوم ورا يوم …
….. سنين واحنا
ساعة الغبن
حي على الفلاح
تجمعنا ..
… لجل وطن
عايش في قلوبنا
معجون بلبن السرسوب
وأنت صابره …
….. واحنا في حضن توبك
يا ست الكل عايشين
واللي يتمنالك الشر
ـ بعد الشر ـ
يستاهل الشر .
هشام صيام ..
