حلم أول ما أبتدا
أنتهى ف لحظة سكوت
لما قولت أنى بحبك
قولتها وبأعلى صوت
قولتها وانا قلبى طاير
زى نورس ع الشطوط
قلبه أبيض حلمه أبيض
ف أنتظار الليل يفوت
لجل مايلف الموانى
يلضم اللولى ف ياقوت
لجل مايغزل ف توبك
م القمر جاب الخيوط
جاب ف أيدو الشمس ضى
ضى داير عالبيوت
كحل الفستان بنورها
والشجر صفصاف وتوت
يومها قابلك قال بحبك
قال كتير وب أعلى صوت
أدى فستان الفرح بس
يا خسارة أنجرح
لما شاف الخوف تابوت
أصبح الفستان كفن
وأندفن
بين خيوط العنكبوت
حلم .. كان لازم يموت ..!!
