أَنَا أَسِف مِش مِواطن
زَلِت لِسَان يَاكَبِير
وِأَى خِدمه يَاهُمام
إنت تِحلِم وَأنَا أنَفِذ
أنَا المُواطِن الغَلبَان
وَلَا أَقُولَك إِوِعَه تِزعَل
أَنَا فِين وِإنِت فِين
مِش مُواطن أَنَا طِين
أَنَا طِين من أَرِضَها
بَس عَايِش فى تُرَبِها
لَامُؤخِذه لِسه بَدِرِى
لَمَا أَقول أَنَا وَاحِد مِنَها
إِوِعَى تِزِعَل
لَمَا قُولِت مُواطِن مِنِها
زَلِت لِسَان يَاهُمَام
لِسَه بدِرِى على الكَلام
دَرَجَه تَالِتَه ولا رَابِعه دَا كَلَام
إِثِبَات وِجُود دَا يَدوب
إِوِعى تِزِعَل وِحِيَاة أَبُوك
إِنِت كِبِير
وَأنَا فَاهِم بَس نَاسِى
بَس حَاسِب مَبَقاشِى
لِسَه عَنِدى حَاجه خَالص
عَايز أَطِلع مِنهَا خَالص
بَس دِى مِش بِأيدي
لَا مُؤخِذه بَس خِف
تَعِظيم سَلام يَاهُمَام
لِسه فَاضِل فِيها كَرِشَه
كَرِشِة نَفس
لسه فِيها بِس قَرصَه
قَرِصَه وَحِده خَلاص وَسَافر
وَأنَا أَسف عَلَشَان وَصَفت
نَفِسي مَره بِالمُوَاطن
يَامُواطِن
