لحظه حميميه
………….
ماعاد فيي علقك فيي
ولا عاد قلبي بيحمل خطيه
مالحب كلمه بَدَّها أفعال
مش بس غمره اغمرك هيي
صرلي سنه ببعك وهم وخيال
وساعة غفا وأحلام ورديه
وقلك على السكت بفضاوة بال
عالشمس يلا نروح صبحيه
ونعمل على سطح القمر انزال
تا جيب ليكي محبس هديه
ونقعد ع كتف الغيم بالعرزال
لو داق خلقك بالمدى شويه
ومن كتر منّي بالعشق محتال
ومن كتر منّي مزغزغ النيه
تا اسرق البوسه ب هيك مجال
بعلم شفافي تدوب حنيه
ومن كتر منّي فارس وخيال
ومن كتر ما بهوى النعوميه
بقلك ي روحي صدِّقي الرِّجّال
ال بيكون فعلو قد حكياتو
وخصوص باللحظه الحميميه
…………
أمجد المير أحمد / سوريا
