جبل الدهب منهوب
ما داقش منه الجوف
والخوف سلسال عفي
مطلوق علينا بخوف
بس اللي خاف مننا
ما قدرش يحمي الجوع
و يسيبه ينهشنا
خرجت شواشي الذرة
متغمسه بالطين
وبكل إيد للصبر
طهرها نهر النيل
فوق جمرنا الحارق
تكمل موائدنا
نسد جوع البطون
لكن العقول لسه
بتعيد في سفر الخروج
علشان ما تخرج تاني
شمس الصباح صافية
وتكون بلون الكيزان
دهبي الذرة وهاج
يطفي لهيب الخوف
و يبدد الأحزان
بربيع جديد خالص
مافيهوش لاخوف
ولا جوع.
