كان لازم تكون دي النهاية
زي ما كان من البداية
أمور مش طبيعية
حصلت كتير
ما بينا
بس بطريقة كتير
مخفية
اتغاضينا مرة
واتغافلنا وانشغلنا
بس الحقيقة الوحيدة
كانت دايما ع بالنا
حقيقة مفيهاش راحة
ولا فيها طمأنينة
ودي حاجة مش عادية
كان في كتير مؤشرات
بتأكد وتترجم لعلامات
مفيش ثبات
في كل ما بينا
ولا كان في أمان
يخلي القلب يطمن
وأفعال تخلي الروح
تتنفس
واللي كان اتزرع بالخداع
فعادي في الآخر يتباع
والقناع اللي اتلبس بالزيف
كان لازم يجرح بالنزيف
ويخلي الخيط المربوط
ضعيف
فالنهاية ما كانتش مفاجأة
ولا كانت قسوة
ولا حكاية عابرة فجأة
دي كانت النتيجة الطبيعية
لحاجات من البداية
ما كانتش طبيعية
وكمان كتير خفايا
بين السطور
مش حقيقية
ودي بالتأكيد
النهاية الطبيعية ………….
