بنتي حبيبتي
تعالي احكيلك
اللي أمك ماقالتهوش
جوزك صاحبك وحليلك
هو خليلك هو حليلك
مطرح مايروح ماتسيبيهوش
انتي الفرحه لقلبه وروحه
تشفي ببسمتك جروحه
حِبيه معاه او ماعهوش
هو الدنيا بحالها ليكي
حايشيل كل اللي عليكي
عن بعض إنتوا ما تستغنوش
رضا جوزك من رضا الله
ماهي العلاقه لله
يعاملك مَلِكه في سماه
إنتي كمان ماتزعليهوش
ليله لوحده ماتسيبيهوش
حبَه دلع حبه إستعباط
كله يعدي بس نهَدي
وشك يضحك ماتقليبيهوش
تلاقيه خاتم في صباعك
يبقي رجليكي ودراعك
تلاقيه فرحان فرفوش
أما وآه مالبوز زي الكوز
المخروم كل ماتمليه زن
أي شئ تحطيه فيه
بعد شويه ماتلاقيهوش
يأكل بنات الناس الحلوه
أرقصي غني لجوزك غنوه
من غير ده انتوا ما تسووش
خليكي أنثي جميله علي طول
حتي لو أكلك عدس وفول
أصل السعد مش ملو كروش
حب حنان إحساس متبادل
عديم الإحساس مانحبوش
