
ولم يتبق من كلانا .. إلانا
فارت الفورة .. اتخلق الزمن
فضلت هنا .. وأنت فين؟
رغم الفراق السديم ..
أصدق ما فينا لحظة
اجترها وأكررها
حوار لولبي ملتوي
بين اتنين ناقص واحد
جدل بدل ما يجدلنا مزقنا
وحدفنا على طريقين
أنا هنا ,, وانت فين؟
ياللي اسمك مقسوم نصين
نص بيراوغ
ونص بينادي
أنا هنا .. أنت فين؟
مين اللي وئد وليدنا
وهو ف المهد كهل كليم
ملفوف ف توبه الابيض
حلو مبسمه يمكن يكون شفيع
أنا هنا ,, أنت فين؟
زاين صباك وصبايا
فرحة من غير
حلاوة روح تايهه فينا
قول لي .. كدا يرضيك
أنا هنا .. أنت فين ؟
روحي وروحك تابت
اتجمعوا ما بينهم لايم
فرق ومزق بدنين
العقل شارد والقلب شايف
كدا يرضيك
أنا مش هنا… وأنت ها هنا
بين ضلوع بتئن وتحن إليك