فيه ناس بتغير
حتي من صوت البلابل
وزقزقه العصافير
ناس عايزه يبقي عندها كل حاجه
وماحدش عنده حاجه
عايزه يكون في إيديها المصير
حتي من أعز الحبايب
اللي حاضر واللي غايب
عاوزين منهم كتير
ناس نرجسيه
عايزين عباسيه
عايزين دهب ألماظ حرير
حاسين بإستحقاقيه
شايفين روحهم
ملايكه في السما بتطير
مابيغلطوش أغيياء ميفهموش
رغم إنهم هاموش
ماحًصّلوش حتي الحِمير
كل واحد شايف
إنه في العلالي
وغيره مجهول صَغير
رغم إنه واخد كتير
شايف إنه إدي
عامل عمل كبير
بَشَروه بأسوأ مصير
