الكاتبة شيرين هاشم تكتب عن: الدعاء بظهر الغيب

هناك صدقة عظيمة جدًا و بسيطة احيانا نمر عليها دون ان نلاحظها بوهي ” الدعاء بظهر الغيب “..
مش لازم الدعاء يكون لقريبك أو صاحبك… ممكن يكون لشخص عابر شفته بيعدي في الشارع..او مريض..دعيت له
أو حتى لمجرد إنك افتكرت حد في لحظة..دعيت له..حد فى نعمة فضل من الله ..دعيت له
كلمة “اللهم ارزقه” “اللهم اشفه” “اللهم يسّر له أمره” “اللهم اسعده” “اللهم زده و بارك” تخيّل إن كل دعوة مستخبية بتدعيها لغيرك..تكتب لك في ميزان حسناتك،..ويرد لك ملك ويقول: “آمين..ولك بمثل” ✨
والأجمل إنك تقدر تدعي حتى للي أذاك ووجعك… تدعي له بالهداية..بالستر..وبصلاح الحال.
وده مش ضعف… بالعكس..دي قوة قلب و صفاء نية..وربنا بيعوّضك بيها حسنات وأجر عظيم.
باب الحسنات مفتوح قدامنا فى كل لحظة من ساعة ما ربنا بيفتح علينا بفكرة أو خاطر..لحد ما يرجع الخير لينا أضعاف.
🌿تذكر ان كل دعوة مستخبية هى سبب فرج كبير لحد… و صدقة ليك .. يكتب الله لك رزق لا تدرك من اين مصدرة..
💚الله يسمع نواياك قبل كلماتك💚
شيرين✍️
@highlight
#دعاء