كتاب وشعراء
شعرشعبي –عبد الله الراشد- السعودية
***********
كنت ماكن في عيونك
كانت الدنيا تغني
و الغلا كان اللحن
وكل نغمه في هوانا
غردت شوق و غرام
و الأماني اللي معانا
صيفها برد وسلام
أدري بفكرك تقول
كل ماضي ما يعود
أجهلك وقت الذبول
و اعرفك لما تنادي :
يا هموم الليل نوحي
اجمعي فيني الأغاني
أكشفي فيني وضوحي
أهزمي حظي العنيد
و أبتدئ قصة شعوري
دون ضيم ودون خوف
علها الأيام تنصف
قلبي الملهوف ليله
وتنكسر فيني همومي
وكل دمعه في الغياب
ترحل وتاخذ أثرها
وينفتح للقلب باب
دون حراس و عتب
و الوله يحصد زهوره
بين أذنك و الشفاه
وتبتسم لحظات فينا
ما تمر الإ بحنين
وما تروح الإ بدفاك
كنتي لي كل شي
وكانت عيوني تحبك
وكل مافيني يبيك
يوه ما تشبع زعل
ما تشوف شلوني بعدك
في جفاف الفقد تايه
بين ذكراك وحنيني
وسط أشيائك و طيفك
مالقيت اللي كفاني
مالقيت اللي كفاني