غير مصنف
حزن الختام…شعر أحمد هارون كراويه
حزن الختام
الحزن ده مايلقش بيك
الحزن له قدسيه
الموت والحياه*
الحزن حاله من الصلاه*
فأعزف على وتر الوجع
وأقف أنتباه*
أزرع حنينك فى الضلوع
سلم مشاعرك للخشوع
رفرف بروحك فى الفضا
للصبر
وأملى العين دموع
الحزن مبدأ وأتجاه*
الحزن للانسان حياه*
**********
الحزن مش دمعه وأنين
ولا ناى حزين
ولا ليل طويل*
الحزن ده أحساس نبيل*
احساس بطعم الانبياء
والاولياء
وبلاغه الصدق اللى راسم
بالمشاعر
ميت الف حاله توريه
ولا هو أحساس بالوجع
ولا بالآلام*
الحزن عصفور وأتسجن
ميت الف حاله من الشجن
الحزن للانسان وطن
فأعمل لاحزانك مقام*
وخلى ده حزن الختام*