… أول تسريبات صفقة القرن كانت تتحدث عن 500 مليار دولار .. كوشنر زيه زى أى تاجر يهودى شاطر .. لما وزن الزباين لقاهم ما يسوش أكتر من 50 مليار دولار بس .. رغم إن الجانب الأكبر من المبلغ حتدفعه السعودية والإمارات … وحتى ال 50 مليار ف 30% منهم فقط منحة .. و50% قروض .. وال 20% منهم مشروعات لمستثمرين .. وربما لأن كوشنر عارف إن الحكام العرب إيدهم طويلة حبتين فمحدش حياخد فلوس فى إيده .. لكن حيتعمل بيها مشروعات و حيتم صرفها على دفعات لمده 10 سنين ………. يعنى ال 9 مليار بتوع مصر .. منهم فقط 2.7 مليار منحة، و 4.5 مليار قرض “تضاف على ديوننا الخارجية إللى عدت ال 100 مليار دولار” ، و 1.8 مليار دولار المتبقية حتكون على شكل مشروعات إستثمارية خاصة .. وحيتم ضخ الفلوس دى على 10 سنين بمعدل 900 مليون دولار سنوياً …… الفلوس دى حيتعمل بيها مطار وميناء ومحطة تحلية ومنطقة إستثمارية متاخمة لغزة وكإمتداد طبيعى لها، ولخدمة سكانها بالأساس .. ” دون أن تتخلى مصر عنها .. لأن هى دى النقطة إللى ضايقت المصرين “.. عادى بقى إن أى عدد من الفلسطينين يدخلوا إما كمستثمرين أو كعمال وموظفين فى المشروعات دى … مع الوقت يبقى وجود أعداد من الفلسطينين أمر طبيعى وعادى جداً .. وبعد شوية الدنيا تهدى شوية ويحصلوا على الجنسية المصرية .. وده إللى خلى كوشنر يقترح رشوة لبنان والأردن ومصر .. لإستيعاب أعداد من الفلسطينين ومنحهم جنسيات تلك الدول كبديل عن الجنسية الفلسطينية .. أمال يخدوا فلوس “حتى ولو نصها قروض” بلوشى كده !! …………… أيه إللى ممكن يغرى مصر للمشاركة فى تلك المسخرة إلا إذا كانت هناك بنود سرية أخرى لا نعلم عنها شيئاً وربما كانت أكثر كارثية !!!؟
