عبد العزيز عاشور يكتب …..كل شعوب العالم متفقة فيما بين أفرادها على مفاهيم الوطنية والخيانة

يبقى كلنا محتاجين نفكر ونتبادل التفكير لمحاولة اﻹتفاق واﻹستقرار على مفاهيم ودلالات اﻷلفاظ اللى بنستخدمها ..
عشان ما يبقاش فى المجتمع واحد بيعتبرك بطلا وطنيا مغوارا وواحد غيره بيعتبرك خاين وعميل وبتعمل لصالح العدو وبتدمر البلد ..
واﻹتنين كل واحد منهم شايف ان هو الصح المطلق وغيره هو الخطأ المطلق ..

ونلاقى نفسنا زى ما هو حاصل فعلا كل واحد فينا بيقول للتانى غير نضارتك عشان تشوف اللى أنا شايفه ..

كل شعوب العالم متفقة فيما بين أفرادها على مفاهيم الوطنية والخيانة والظلم والعدالة وغيرها من المفاهيم ..
واحنا كمان كنا زيهم متفقين فى فترات سابقة ..

النهاردة الوضع مختلف ..
اﻹختلاف فى الرؤى والسياسات والتوجهات أمر صحى مطلوب لتحفيز الطاقات اﻹيجابية ..
أما أن نختلف على مفاهيم القيم فهذا أمر خطير ومدمر ..
وبدلا من السعى لتضافر الجهود والتعاون سيخلق هذا اﻹختلاف فى مفاهيم القيم او حتى عدم وضوحها الى خلق عداوات لم تكن موجودة أصلا ولا توجد مبررات موضوعية لوجودها ..

قد يكون البعض سعيدا لوجوده فى هذا المناخ ﻷنه يحقق له استفاده قد لا تتحق له فى مجتمع واضح المعالم متوافق على قيمه ومبادئه ..
لكن على المدى البعيد سيكون الكل خاسرا ..
وسيكون الخطر محدقا بالوطن نفسه ..

أفيدونا وانصحوا لنا أفادكم الله وأفادنا ..