نحن جيل شهد وتفتح وعيه علي تغيير البيبيسي بسبورت كولا والازباتس بالسفن اب … جيل كان اباؤنا بيعتبر البلوفر المنتجو المهرب من لبنان هو قمة البرجوازية … جيل شهد التحول من ابواط باتا وبيجامات المحلة الي كل ماهو مستورد … جيل الانفتاح السداح مداح … جيل شغلوه بحسن شحاته ومحمود الخطيب حتي لانري مايحدث من تحول في المجتمع … نحن الجيل الذي كبر وترعرع في ظل قوانين السبعينات وما ادراك ماذا حل بنا وبأهلنا في السبعينات … تمزق بين الاصالة وبين الثقافة القادمة من بورسعيد من شباشب وقعدات حمام … واثناء تهريب ذلك تم تهريب احمد عدوية معهم بالسح ادح امبو … بعد ان اجتاحت ثقافة التهليب وبيولبيف الكلاب وهوووب اتفتح المجتمع للحشيش واصبحت مصر كلها باطنية الفيلم والحي وتراخت قبضة الدولة واللي ماعملش فلوس في عهدي عمره ماهيعمل فلوس … راح … راح … اخد المنصة وراح …هوووب افتح للهيروين والحشيش مش بيكيفنا وخرج عدويات كثيرة كتكوت الامير ورمضان البرنس… لا ياعم البودرة غالية وبتخرب بيوت وبتموت …. نرجع تاني للحشيش وايه الهس تك ده اللي ماشي يتوك ده ولولاكي لولا لولا …. الحياة صعبة والدنيا غالية نار … بانجو … بانجو … رخيص وبيعمل دماغ … وزرع في البلكونات وعالسطوح علي انغام نجلا وحصانها وسب الدين من مرتضي منصور وفيديو دينا وابو الفتوح وشعبولا ومن اول يناير هبطل سجاير …. صحوة فرق مسرح الشارع والرجوع لمنير ونغماته …. يناير .. يناير تمسح التراب …. موسيقي جديدة والرجوع للقديم الجميل وياحبيبتي يامصر …. يونيو وتسلم الايادي وهوووب بقت بشرة خير .. . عبده موته ومافيا ستروكس …. ستروكس عشان الناس تنسي احمد موسي وعمرو اديب ومعتز مطر ومحمد ناصر .. .. مهرجانات …. مهرجانات ومهرجانات …. حمو بيكا والستروكس والنقابة …. النقابة المستشار القانوني لها حامي حمي الاخلاق مرتضي منصور ونقيبها هاني شاكر فمن المنطقي ان يكون من اعضائها حمو بيكا وتحموه ليه سيبوه كده هو بوساخته عنوان للمرحلة
