– خالد جمال عبد الناصر متجوز داليا فهمى فبقى اخوها سامح فهمى وزير بترول و اخوها التانى هادى فهمى بقى رئيس شركة بتروجيت ..عبد الحميد جمال عبد الناصر متجوز ايمان الخرادلى فاختها افكار مسكت رئيس تحرير مجلة نص الدنيا.. هدى جمال عبد الناصر متجوزة حاتم صادق فبقى رئيس فرع البنك العربى فى القاهرة .. منى جمال عبد الناصر اتجوزت اشرف مروان فبقى رئيس مكتب معلومات الرئيس فى عهد السادات و ابنهم يبقى جمال مروان صاحب قنوات ميلودى و اخوه احمد مروان يبقى جوز هانيا بنت عمرو موسى اللى كان وزير خارجية ..السادات جوز بنته جيهان لمحمود عثمان احمد عثمان صاحب شركة المقاولين العرب فبقت امال عثمان وزيرة للتامينات الاجتماعية و ابنها هانى سرى الدين مسك رئيس البورصة المصرية .. و ابن اخت عثمان يبقى صلاح حسب الله اللى مسك وزير تعمير و حفيده يبقى عثمان الصغير صاحب موقع اخبارك الاخبارى .. اما بنت السادات لبنى فاتجوزت عبد الخالق عبد الغفار حفيد احمد عبد الغفار اللى كان وزير زراعة و اوقاف ايام الملك و بنت عمه علية عبد الغفار اتجوزت محمود مبارك ابن عم حسنى مبارك اللى مبارك عينه سفير فى المانيا .. حفيد عيلة عبد الغفار يبقى مجدى عبد الغفار اللى ماسك دلوقتى وزير داخلية .
..زكريا محى الدين عضو مجلس الثورة اللى مسك رئيس وزرا و اللى ابن اخوه محمود محى الدين مسك وزير الاستثمار جوز اخته سامية لجمال مرعى و اخوه سيد لمها مرعى فتم تعيين سيد مرعى وزيرا للاصلاح الزراعى 1956 ثم نائب رئيس وزراء ثم رئيس مجلس شعب ثم مساعد رئيس جمهورية ايام السادات بعد ان تزوج ابنه حسن من نهى بنت السادات.. عبد اللطيف البغدادى احد الضباط الاحرار اللى مسك وزير حربية بعد ثورة 52 و رئيس مجلس الامة وقت الوحدة مع سوريا بنته اتجوزت مهندس صغير اسمه محمد نصيرمن عائلة سيد مرعى فاعطاه محمد حسنين هيكل صديق جمال عبد الناصر اللى مسكه جريدة الاهرام عقد توريد اجهزة لمؤسسة الاهرام فكبر محمد نصير حتى اصبح صاحب شركة فودافون .. منصور حسن اللى كان وزير اعلام و ثقافة ايام السادات جوز بنته عواطف لمحمد لطفى منصور اللى بقى صاحب توكيلات شيفرولية و معدات كاتربيلر و مطاعم ماكدونالدز وسجاير مارلبورو و مترو ماركت و خير زمان و فى الاخر بقى وزير نقل ايام مبارك و اللى اخوه ياسين يبقى صاحب شركات بالم هيلز اتبرع ب 25 مليون لحفلة قناة السويس و ب 125 مليون لتحيا مصر و اللى ابن خالته يبقى احمد المغربى صاحب شركة المغربى اللى لها فنادق اكور و نوفوتيل و اللى بقى وزير اسكان و تحالف منصور و المغربى شريك مع طلعت مصطفى و الوليد بن طلال فى فندق سان ستيفانو الاسكندرية .
.. و حافظ اسماعيل مستشار السادات للامن القومى يبقى عم زوجة ابراهيم كامل عضو لجنة سياسات الحزب الوطنى و رئيس مجلس العلاقات المصرى الامريكى و صاحب قرية غزالة و شركة كايو ماتيك .. و مصطفى الجبلى وزير زراعة السادات يبقى ابو حاتم الجبلى وزير صحة مبارك و صاحب مستشفى دار الفؤاد اللى مشاركة فيها محمد عبد الوهاب زوج فاتن حمامة اللى بنته تبقى متجوزة منصور حسن وزير اعلام السادات و متشاركين برضو فى كايرو سكان للاشعة و اخوه يبقى شريف الجبلى صاحب شركة اجرى بيزنس اكبر شركة اسمدة خاصة .
..سوزان مبارك اخوها يبقى منير ثابت رئيس شركة الخدمات الارضية فى مصر للطيران و صاحب فندق ماريوت شانزليزيه فى باريس و شركة هوايت وينجز الناقل الرسم لصفقات سلاح الجيش المصرى و شركة يونيكاب المسئولة عن بيع القطاع العام و بيع ديون مصر و معه فيها بعض الشركاء منهم حاتم الجبلى وزير الصحة السابق و زوجة منير ثابت هى خالة انس الفقى وزير الاعلام و ايضا خالة على مصيلحى وزير التضامن .. اما علاء مبارك فزوجته هى هايدى راسخ اللى جدها يبقى ابن خال عثمان احمد عثمان و ابوها يبقى مجدى راسخ صاحب شركة سوديك للمقاولات صاحبة بيفيرلى هيلز و شركة رينجو للاتصالات و شركة النيل للاتصالات و جوز خالتها يبقى شفيق بغدادى صاحب شركة فريش فودز ووكيل اتحاد الصناعات و جمال مبارك زوجته خديجة الجمال اللى ابوها صحب شركة الجلالة للمقاولات اللى لها قرى سياحية فى العين السخنة و الساحل الشمالى و عمها يبقى جوز الممثلة ليلى علوى .. دا جزء صغير من العيلة الحاكمة فى مصر اللى العيل فيها بيتولد وزير او رجل اعمال حرامى و لو كان لعبى و غبى يدخل الداخلية ولا الجيش يوصل فيهم لوا او يدخل شركة بترول يوصل فيها رئيس مجلس ادارة .
.و على الجانب القبطي تجد عائلات ساويرس و غبور وغالى و عبيد و عبد النور و باسيلى و جريش …لو جمعت ما يملكه هذه العائلات على الجانبين فمجموعها يصل الى 80% من اقتصاد مصر فى يد 40 عائلة فقط .
