عباس أبو شنب يكتب :اين نذهب هذا المساء فى مصر

الدولار فى مصر كل الناس بتحترم عملاتها وسعر الدولار بيكون موحد فى كل المصارف بكل البلاد الا مصر كل واحد ماشى بكيفة مش عارف الناس دى اللى بتلعب بالعمله عاوزين ايه من البلد بجد الموضوع غسيل اموال دول المستوردين بيخرجو عملات صعبة بالخارج على حجات هايفة زى الاستيكة او ادوات التجميل وكل ما الدولار بيعلى بسببهم كل ما السلع والمنتجات بتغلى لانه كل واحد ماشى بمزاجه والله يرضيش ربنا الناس اللى بتاجر فى العمله والله يرحم الجنية المصرى كان اغلى من الجنية الدهب اين نذهب هذا المساء
نذهب الى سوق الذهب واللعب بأسعار الذهب هل يعقل انه الجرام يعلى فى خلال شهر الف جنيه دا ما يرضيش ربنا اين نذهب هذا المساء نذهب الى البصل كان ب 30 جنية واول ما نزل البصل الجديد غلى 40 جنيه حقيقى لعبة دنيئة بالأسواق وعلى حساب الشعب الغلبان
اين نذهب هذا المساء الى سوق السكر وما ادراك ما السكر بلد فيها بنجر وقصب ويكون فيها ازمة سكر عندنا مصانع بتصنع وتنتج سكر مين اللى عامل الازمة
اين نذهب هذا المساء سنذهب للسلع المعمرة كل تاجر مش عاوز يبيع اجهزة كهربائية لأنه على قولهم فى بداية السنة الجديدة كل الاجهزة هتغلى من اين جابو كل المعلومات دى الا لو كان فى حد بينقل الكلام دا السلع زادت مية فى المية دا ميرضيش ربنا
وكل يوم سعر اللحمه بتزيد بشكل مبالغ فيه وكمان الحبوب زى العدس والفول والارز ونطلب من الحكومة تزود انتاجية الارز المصرى ومتستوردش من الخارج محتاجين عمله صعبة يبقى منضيعهاش
اين نذهب هذا المساء الاوانى البلاستيك او غيرهم من الاوانى زادت مية فى المية ليه كدا
نطلب ان شاء الله من سيادة الرئيس او رئيس الوزراء يجتمع برجال الاعمال ويشوفو ايه اسباب ازمة الغلاء فى مصر وان تكثف الحكومة جهودها فى مراقبة السلع بالاسواق الناس عاوزة تعيش وان يحصل اجتماع بالتجار الكبار على مستوى مصر ويبحث عن سبب الغلاء فى الاسواق المصرية ارحمو من فى الارض يرحمكم من فى السماء
اللى يحب مصر يحافظ على مصر اللى يحب مصر يقف جنب مصر اللى يحب مصر ميلعبش باقتصاد مصر
ونهنئ الشعب المصرى بالفترة الثالثة لسيادة الرئيس ونهنئه على فوزة بالانتخابات