كتب : خليل ابو العلا
أحمد فتوح يفضح اكاذيب الإعلامي سيف زاهر ويعلن حقيقه عدم الرد علي نادي زد الذي لم يفاوضه من قريب او بعيد معلنا انه من الصعب الموافقه علي اللعب لنادي مثل زد وقد صرح اثناء حديثه التليفزيوني وقال
أنا غلطت أنى سيبت المعسكر لكن أتوعدت بالتجديد كذا مرة و اتفاجئت أن مفيش فلوس بعد ما مسئول دخل قال للاعيبة معلش أستحملونا ، زعلت و قولت أومال ليه كابتن حسين لبيب قالى خلاص أنت معايا و لما سيبت المعسكر كان غلط بجد لكن أنا كنت مديون و فى نفس الوقت مكنتش أعرف أنهم هيتصرفوا . بس هما وقفونى و معايا الزنارى و صبحى و عرضونا للبيع و كابتن طارق السيد أدخل علشان عارف أنى زمالكاوى و مش عايز ألعب غير للزمالك .
لكن أول ما الزمالك وقفنى لقيت سيف زاهر طالع يقول أن نادى زد وقف التفاوض مع فتوح و مش عايزه و دة تأديبا من زد بعد اللى عمله مع الزمالك ، بالرغم أنى و لا قعدت مع زد و لا كلمتهم رغم انهم عرضوا على وكيلى مبلغ كبير لكن أنا رافض ، مش معقول أبقى فى نادى الزمالك و أروح نادى لسة صاعد حتى لو هيدينى رقم كبير ، أنا عندى أسدد ديونى بس و أفضل مع الزمالك اللى أنا أتربيت فيه و بحب جمهوره زى ما هو بيحبنى و مرضيتش أطلع أرد على سيف زاهر رغم أن فيه ناس قالتلى أطلع رد ، لكن أنا بكبر دماغى ، هو مش قال خلاص خليه يقول
