الصبر جاله الوجع بقم الدكتور محمد ضباشه

الصبر جاله الوجع
محمد ضباشه

الصبر جاله الوجع
والطلق كان حامي
فى ليل هواه ما ارتجع
عن كل شئ عامي
نزلت دموع صرخته
أمة وديب فجعان
ياكل آمال غلبان
ما له ميزان حامي
يكسر سياج الهلع
اللي زمانه طال
باب الأمان اتخلع
وما عاد يقين ينطال
إن اللى جاي م البشر
فيه الضمير نامي
جفت بحور صبرنا
و ما عاد حدانا بحور
تمد في عمرنا
حتى يبان النور
يا كرسى بات مسعور
ينهش فى أحلامي
لِمْ العزال واتكل
وكفاية منك عيب
لا كان لسانك دوى
والفعل شابه الريب
ضاع الجنية فى الهوى
والدين بقى غمة
حتى الدراع اتلوى
بالكسر والضمة
فازاي هنبقى سوى
داخل وطن واحد
بنوحد الواحد
وانت فى خبل مامي
بتشوى في لحمنا
وتبيع فى أيامي
اللى اشتراها الجشع
بفتات رغيف دامي