فلنفترض
انك كتبت بوست بيقول “انا بحب ورق العنب قوي” هتلاقي انواع الناس اللي بترد
كالآتي.
– المعجب
دائما:
“الله
عليك صح كده” “انت ازاي جامد كده؟” “على فكرة انتي عمرك مابتقولي
حاجة غلط” “لااااااايك “
– المعجب
المميز:
“هو
مع اني بختلف معاك بس بحبه” “مش قوي بس صح” “ساعات بيبقى عندك
حق” “اتفق واختلف على حسب بيتعمل ازاي”
– المعجب
الكسول: يكتفي بلايك وشكرا.
– المعلق
للأمان/ متسابق اللايك: لايك قبل ما يقرا البوست.
– المسب
للأمان / متسابق السب: يسب قبل ما يقرا برضه.
– المحمل
بأراؤه:
“افتكر
ان ورق العنب ده من رزق الله، ازاي نسيت تقول الحمد لله؟” او “هو بعد ثورتكوا
بقى في ورق عنب؟ ده بقى طعمه يقرف” او “بتاكل ورق عنب والناس قاعدة تموت
في الشارع؟” او “بيفكرني بصاحبي القديم، انا بقيت بكرهه”
– محبين
الدراما:
“انا
كنت بحبك بس بعد كلامك عن ورق العنب سقطت من نظري” “ورق عنب ده كئيب واسود
ومرة لقيت فيه صرصار”
– مصدرين
البؤس:
“انت
ابن……. اصلا ولا بتفهم في الاكل” “ورق عنب ايه يا ابن الـ
………….انت لاقي تاكل؟”
– المجودين
بالتاتش بتاعهم:
“يا
سلام لو معاه محشي كرنب” “بس لازم يتاكل ساقع” “نسيت الزبادي”
– المتسظرف
دمه:
العنب ع النظر” “ورق العنب اتمسح” “ياعم انت بتاكله بورق جرايد”
“ماتجيب حتة”
– المتحرش
دائما:
اغرفلك” “ورق عنبي هايعجبك قوي” “ماتيجي نورق ونجيب عنب”
اخيرا
يظل هو شعور الندم البالغ على كتابة البوست ونداء للكوكب البشري:
ماكنتش
اكلة ورق عنب.
