من فتره كان فيه خلاف بين صديقين عزيزين جدا عليا
زوج و زوجه
الخلاف بيكبر
وانا بحاول اجمع و أوفق
الأمور معقده جدا
لكن
بعد جلسة صلح كنت أنا الحاكم بينهم
اتضح لى بعض الأمور
اقروا للآخر اذا سمحتم
اولا دائما الزوجه فاكره أنها فى البيت خدامه و داده و ممرضه و معلمه و سواق وووو
و جوزها فى الشغل بيلعب باليه هارون الرشيد حواليه المزز من كل جانب و بيتفرج على الجوارى بيرقصوا حواليه و هو قاعد منشكح بيمزمز فى عنقود عنب
لا يا عزيزتى ربنا يكفيكى قهر الرجال و صراع الشغل و التارجت
ثانيا هو نفسه فاكر أنها نايمه ٢٤ ساعه و حتى لو قامت بتقعد على الفيس بوك عشان شافها عامله لايك لابن عمه جعفر من ساعتين
لا يا عزيزى د فى المدارس بتصحى الفجر و تفطر وتوصل و يجوا تتابع و تضبط د غير بقى نضافة البيت و الاكل و الشرب و الضغوط العائليه و مشاكل الاولاد خصوصا كمان لو هى بتشتغل
كل واحد فيكم بيكمل التانى
ماحدش يقلل من دور التانى
الاحترام والتقدير أساس اى زواج مريح نفسيا