انا فكرت اتراجع ..واقول راجع
واجرب سكة النسيان
لقيتها ذكرى ومواجع
يوماتى تقلب الأحزان ..!!
مافيش فايدة ..!!
مانيش قادر على النسيان
وجوه القلب نار قايدة ..!!
مافيش فايدة ..!!
وإيه يغصبنى ع الحرمان
وقلبى وقسوته الزايدة ..!!
وانا اللى ياما بتحمل
وياما ف الهوى ” عديت ” ..!!
هخاصم قلبى لو كمل
وعارف إن انا اتهديت ..!!
ومش معنى الخصام إنى
بفكر ف الخصام على طول
بحاول بس .. مع إنى
بحبك حب مش معقول ..!!
بحبك جد ..
ولو طال الخصام بينا
وفاق الحد ..!!
بحبك بس مستقوى
على قلبى
اللى مالهوش حد ..!!
