علاج الجاهلين التجاهل
والجهل مش شهادات
ممكن يكون عالم
في مجال من المجالات
كاتب بيكتب شعر
وقصص أفلام حكايات
معلق علي الحيطه
شويه دكتوروهات
من أعرق الجامعات
تلقاه قليل الزوق
عنيف في المجتمعات
جاهل إن حُسن الخلق
أعظم الرسالات
في مجاله بارز جداً
ومالوش في اي حاجات
اللي بيحسد جاهل
إن الله له في الرزق آيات
اللي بيكذب جاهل
انه بيعمل فتن
أشد مالقتل يعيش حياته ذل
مُحتقر لحد الممات
اللي بيشهد زور
جاهل قوام حايغور
عمره ماحيشوف نور
كل حياته أزمات
اللي يعيش بالمكر
جاهل يموت بالفقر
نهايته الم وآهات
اللي بيطمع اللي بيقتل
اللي بيسرق عايز حاجات الناس
وبيعمل خطط ومؤامرات
جاهل إن فوق الجميع
خالق السماوات
جبار غفور منتقم
رزاق كريم مُطلع
علي اللي جوانا
وكل الكائنات
العلم ..الجهل ..المعرفه
بينهم كتير مسافات
