فيه كام مشوار ف قلبى لسه بعيد
مع إنى ماشى .. وروحى فوق كفى
عد الخطاوى ف سكة مش ح يفيد
وعليا ندر .. ونيتى أوفى
يا جرح داير ف الضلوع تنهيد
واقف جريد النخل من صفى
عمال يحايل فيكى باس الإيد
وإنتى اللى رافضة تخفى عن كتفى
والضهر محنى وبرضو حملى يزيد
قطعوا الوريد .. وانا دمى متصفى
من امتى كان الحب عبد وسيد ..؟!!
وإزاى يكون بالشكل ده وصفى
مديلى إيدك .. خلى بينا وريد
يغسل عكار الدنيا .. ويصفى
دى النار ف قلبى وقلبي نار بتقيد
وغير حنان الأم مايطفى ..!!
