قبل ماحكي والا اقول
قوم وصلي ع الرسول
عيدها تاني عيد وقول
م السعادة راح تنول
والذنوب لو كات تلول
بالشفاعة راح تزول
يوم ماهاجر الحبيب
أحلى ذكرى ف العصور
م الولادة للمشيب
سيرته تشرح الصدور
اهل مكة خسروا ياما
والتاريخ سطر دا لينا
داقوا فيه طعم الندامة
فازوا بيه اهل المدينة
رقصت الاشجار معاهم
خلوا كل الدنيا زينة
من ثنيات الوداع
من. ثنيات الوداع
قالوا إنه طريق ضياع
واللي كانوا فيه رعاع
خوفوا العالم تفوت
زعموا إنه فيه سباع
واللي يمشي فيه يموت
مر منه وكان شجاع
كله تابع بالسكوت
واما شافوا النور بيضوي
غنوا هل البدر لينا
قالوا هل البدر بدري
لما قرب نور نبينا
