في ناس بتعرفها وفي المواقف بتبان
وناس متعرفهاش بتلف وتدور زي التعبان
وناس في حياتها عايشة بتتهان
وناس دايما عايشة في حرمان
وناس في الأزمة رجال جدعان
وناس تلاقيها عيل جبان
وناس مخلصة لكن بتتخان
وناس خاينة وبتبيع لكن بتتصان
وناس تحب الطيب الغلبان
لكن متعملش حساب إلا للظالم الكسبان
وناس عاشت عمرها كله متعرفش معنى كلمة إنسان
وناس تانية عايشة بتعاني طول حياتها لأنها بجد إنسان
وناس وناس كتير أشكال وألوان
ومهما قولت أو عرفت عن الناس بس الحياة من غير ناس ماتنداس والصحيح في النهاية تاج متشال على الرأس
