والله باعوك يا وطن
وبأرخص وأذل ثمن
سألت عن هالزمن
قالوا عيد الضحية
كل عام وانتم بخير
قلت ما علينا منهم
حلمهم قبض العدية
وين يادرب مودينا
ليش هيك بصير فينا
شو عملنا إلهم احنا
دافعنا عن كرامتنا
صبرنا وقاومنا
ولهيك ظلمونا
باسم الثورة خدعونا
وباسم الدين جوعونا
شو ضل النا بعد هيك
نسكر ولا نكفر ولا ندعي
يا ريت كان الدعاء بحرر
ولا السكر بنسي
ما كان شفتونا يوم بعقلنا
طبيعتنا مسلمة وما بننكرها
كلنا بنوحد وبنصلي وبنكذب
هيك هي الحقيقة المرة في عروبتنا
ملعون أبو هيك عروبة علي هيك أمة
بتظلم وبتستغفر ربها في نفس الثانية
مش قادر استوعب
ولا قادر أفكر في اللي بيحصل
مجرم في نظرهم
وكل جريمتي عشقت وطني
بديته عن مناصب وحسابات
عارضت وقلت هو الحلم والحياة
قالوا مجنون وما بتعرف قيمة الدولار
رديت من دمي وصرخت للأرض والسماء
شاهدين عليهم وهيك هم تجار الاوطان
امام الاعلام شعارات
وفي الخفاء صفقات
تجارة وربحها بزيادة
ما هو دمنا رخيص في نظرهم
شو يعني موت كم ألف
لازم نصل للمليون
ونفتخر فيهم ونقول شهداء
سجل يا تاريخ زيف الارقام
اجمع الفصائل كلها وبلغ
معروض علينا مليارات
كيف نرفضها ونفوت الفرصة
جن جنونهم ونسيوا التراب
صاروا يطيروا مثل الغراب
ما شافوا الناس في الطريق
ولا في المعبر محدفين اجساد
اطفال بتبكي ونساء بتدعي
ما حيلتهم غير الصراخ
رشوا عليهم شوية ملح
قالوا هذا سكر ولذيذ
لونه أخضر وما بتغير
ولا شو رايكم توخدوا الاحمر
ومعنا كمان مشكل اسود واصفر
ويلا لموا كل هالجماعات
خلينا ننهي ونصفي الحسابات
البنك الدولي جاهز
والمنطقة اتحولت لادوات
كلها بتشتغل لحساب الامريكان
يا بخت المحتل شو فيكم فرحان
محظوظ بانه سكن ارض الميعاد
كل من حوله عرب والباقي عندكم
صفر وغضب وما في رحمة للبشر
خصصوصا لو نطقت من الضمير
راح يقولوا عنك مجنون كبير
طول عمرك رافض تبيع
وكل من حولك باع واشترى
المهم يركب الحديث
وخلي الشعب يموت كله
بستاهل وأكثر كمان
مش هو صامت وعريان
ليش مخدوع فيهم لليوم
ما بقرأ وجاهل فلا يستحق
طول ما بوصل صرامي للحكم
وبعمل من العجزة قادة
وبهلل في كل زربيحة
وكل مرة برددوا سنغافورة
واحنا بنصدق وبنصفق وبنرقص
ما هي حفلة العراة في بيت المقدس
والمغني مربي لحية طويلة
كيف ما نصدق ونفرح
والعدو بيصرح
احموا فلسطين
من قادتهم
حرموهم الغذاء
ربوا الكروش
صرفوا المال
ضيعوا حالهم
نسيوا قضيتهم
كهرباء وماء
وكيس طحين
غلبانين
الحقوهم
دمعتي راح تفر من عيني
اشفقوا عليهم في غزة
بدنا ننقذهم من العاهات
شايفين كيف احنا بنرحمهم
بنفكر فيهم ليل ونهار
بس هما مش مفكرين بانفسهم
شكرا يا عدوي
اخدع وانطق
لكنها الحقيقة المرة
اعترف بها ولن اخجل
كانوا علينا ارحم
من فصائل ومجموعات
لا تعرف غير البيع والشراء
نجح ترامب اللعين
مرر مخططات عبر جهات
الحجة مساعدات
وانقاذ انسان
صدقوا حالهم العربان
قالوا كلنا معاك
وما يعيش بينا جبان
ولازم نصفي القضية
وننهي هالمهزلة التاريخية
دوشونا هدول الفلسطينية
خلونا نتفرغ للايرانية
ومعنا اولاد عمنا بحمونا
وهيك بنكون وصلنا للنهاية
وسلمولي علي غزة الأبية
ومعها فلسطين المنسية
وكلنا مشاركين في الجريمة دية
مثل ما صار في العراق واليمن
وليبيا وسوريا وقبلها مثل ما بعدها
وهيك هم بحكموا العالم باسم المخفية
