أنتِ مين أنتِ…. بقلم خالد أحمد

أنتِ مين أنتِ
وجيا لي ثاني ليه
جيه تعيدي حبي
فاكره نفسك أيه
……….
بتقول لي مشتاقه لك
وذنب قلبي أيه
خلاص راحت عليكِ
وصورتكِ رميتها عيني
مع أول دمعه نزلت
من حزنها عليكِ
………
غدرتي .. وبعتي قلبي
وأنا كنت مشتريكِ
دانا نسيت حتى شكلكِ
ونسيت كمان ما كان
وقفلت قلبي بعدك
ورميت منه أسمكِ
وحبي اللي كان
كمان من زمان
………
مـا بـ قاش في القلب ذكرى
أنتِ اللي بعتي فاكره
وأنا عمري ما أشتريكِ
انا اللي يبيعني أبيعوا
ولا ثانية اشتريه
أنا نسيت حتى أسمك
هو انتِ اسمك ايه
…….
جايلي بعد ايه
جايلي بعد غدرك
من بعد سنين عذاب
فاكره لسه بحبك
أنتِ فاكره نفسك ايه
وفاكره قلبي ايه
لسه هائم بحبك
خلاص ما القلب تاب
واللي يحافظ عليا
قلبي يحافظ عليه
……….
انا قلبي عاش وحيد
ولا شفت يوم سعيد
أنتِ مشيتي وبعدتي
وكمان بعتي قلبي
ولا حسيتي بعذابي
ولا دموعي وجراحي
فكره نفسكِ ايه
………..
جيه بس تبكي
وتقول لي محتاجه لك
تحكي عن وجعك وتشكي
لا دانا لازم ارد هالكِ
انا خلاص مش عارفك
وكمان خلاص نسيتك
ونسيت كل اللي فات
من يوم ما بعدتِ عني
مش فاكر ولا كلمة حلوة
مش فاكر اي حاجه
كل اللي فاكره أني
من يومها قلبي مات
…………
وأنا اللي بقول لك أنتِ
اليوم يا بايعه قلبي
ما تستهلي حتى مني
أني حتى أقول لكِ
حتى كلمة وداع
غنائية بقلم خالد أحمد
الشهير بـ خالد العطار
اللحن الأستاذ طارق القصاص