أضعف_الإيمان ……بقلم سعيد شكري

فرهدة احلام يتيمة
تحت غيمة ف صهد صيف
طبطبة بإيدبن لئيمة
ف الخناقة عشان رغيف
او يجوز من جاه وقيمة
لشب نايم ع الرصيف ..!!
تعمل اى النية السليمة
وانت عود واهن ضعيف ..؟!!
وإنكسارك .. هو .. هو
كان ف ضعف .. أو ف قوة
بس إسمك … إنكسرت
كسر سايب شرخ جوه ..!!
صعب ع الأيام “ترمه”
صعب تلقى براح يضمه
وانت قلبك كان براح
بس مات غرقان ف همه ..!!
والتنازل … طرف خيط
لو بدأته “تكره ” كله
تبقى عادة وتبقى صيت
واللى زيك إيه فاضله ؟!!
جنب منك كون عبيط
كله متربص .. لكله ..!!
هو ده طعم الحاجات
مش بلاغة و تشبيهات
أو صياغة عشان قصيدة
عيش حياتك خد وهات ..!!
قبل ماتبيع الحديدة
خاف ليبقى الخوف فريضة
كفة الصبر اللى طبت
ع الغلابة مش جديدة ..!!
بس حتى الصبر مل
يعنى لازم تلقى حل
قبل م الأيام تعدى
إحمى نفسك ع الأقل ..!!