قالو البحر مجروح ..
من كتر ماسمع بُوح ..
اللى فارقهم أحباب ..
ورجوعهم مش مسموح !
ساعات كتير بنسمع ..
وجع يشبه وجعنا ..
من ناس ارتاحو لينا ..
حكاياتهم بتوجعنا ..
لكننا زي البحر ..
بنسمع مانتكلمش ..
يحرق الشوق قلوبنا ..
نستحمل مانصرخش ..
ونواسى اللى جايلنا ..
و نفوّقه و نقويه ..
ونصلب قدامه حيلنا ..
و جوانا بيعزيه ..
بنلبس قناع البحر ..
ونشوف بُكا المجروحين ..
البوح للبحر راحه ..
و كمان للبنى آدمين ..
لكننا مش مرتاحين ..
“محمد مبارك”
