حكاية عشق .. بقلم : ناهد الموجي
❤️ حكاية عشق❤️
.حكاية عشق اسطوري.
..هادونها على سطوري.
.حروفها ورد م الجوري.
وعندي عليها الف دليل.
ف عصرية
وقرص الشمس متحني.
بحمرة خطوطها بتغني.
والوان طيف تقول حني.
سألها النيل.
حقيقي يا مصر انا الفارس؟!
وكنت لعزتك حارس.؟!
لتضاريسك انا دارس.؟!
وليك حليل
قالت له يا نيل يا شرياني.
. .مصبك هو عنواني.
يا مالك شطي. و أماني.
.منين ما تروح هتلقاني.
..يا أغلى خليل.
بتجري ف حجري تسقيني.
تخضر زرعتي ف طيني.
ولو باعطش بترويني.
معاهدة بينا تحييني.
وعلى شطك احن واميل.
. .لمسها النيل بحنية.
..كما العصفور ف بنية.
.بوشوش طيرة امرية.
وعلمها الملاغية.
.يا عيني ياليل.
يا مصر انت اللي مذكورة.
.خمس مرات ف كام سورة.
……..من القران ومحفورة.
. ..امان للناس ومجبورة.
…………..بلفظ جليل.
قالت له يا نيل يا تاج راسي.
يا مصدر رزقي انا وناسي.
يا ضارب ف الصميم فاسي.
يا باني مجدي وأساسي.
يا شافي عليل.
يا عشرة عمر بالملايين.
من السنوات وكنت امين.
عطاء ك من شمال ويمين.
وأملك ترضي كل حزين.
وخوفه تزيل
لكن. اثيوبيا انا خايفة
.مبادئ للأصول زايفة.
سحب وغيوم هناك شايفة.
هياخدوك مني بالعافية.
وطميك أشيل.
لا هتفارقيني ولا افارقك.
انا الساكن حدود شرقك.
وانا الراوي جزور عرقك.
وانا رعدك وانا برقك.
. …. يا أجمل مصر.
ناهد الموجي
شاعرة مصرية