هزمنا في 67 وتم إعادة هيكلة وتسليح وجاهزية الجيش بالكامل ودخلنا حرب الاستنزاف بكل بطولاتها ثم معاهدة روجرز ورحل عبدالناصر وجاء السادات وانتصر على مراكز القوى وعمل ثورة التصحيح وأفرج عن آلاف المعتقلين وطرد 19 ألف خبير روسي وأقنع السوفييت بإمدادنا بالإسلحة الحديثة اللازمة للحرب وعملنا حائط الصواريخ
وخدع إسرائيل وراوغ أمريكا وتدرب الجيش على العبور مرات عديدة وأخيرا انتصرنا على إسرائيل وحطمنا خط بارليف وعبرنا القناة في 1973…تخيلوا كل الأحداث الرهيبة دي في ست سنوات.. لكن الغريب والعجيب ما تعيشه مصر ويعيشه الشعب المصري في الست سنوات الأخيرة نفس المدة من عمر الوطن ..نفس المصطلحات والمرادفات ..وكأن آلة الزمن توقفت عند الإرهاب في سيناء وأهل الشر الوحشين والتفويض والإنجاز المعجزة اللي حصل في 30 يونيو 2013..طيب لحد إمتى هنعيد ونزيد في نفس الحكاية ونفس الكلام ونفس العبارات ونفس الاتهامات ..هم أهل الشر دول ما بينقرضوش ..هو الإرهاب في سيناء مش هيخلص..إرحمونا..اقلبوا الصفحة دي.احرقوا الكتاب القميء ده كله ..عاوزين جديد.. حد يقلهم ست سنوات من عمر الشعوب مش قليلة..وقطار الزمن لن يتوقف عند محطة أهل الشر والكدابين والوحشين وحروب الجيل الخمستاشر..استقيموا يرحمكم الله….
