يونيو الحزين
طالع لنا بوشين
بكا الولاد السمر في الميادين
ضحك اللي باعوا بوحلهم باركين
واحنا الجياع صفين
لفة في رحاية الطحين
نعيش نموت ساكتين
ولقمة للسلاطين
يونيو الحزين
بيدق باب ورا باب
ساكت كلامنا
ولا باقي لوم وعتاب
رخصوك يا دهب
واتحكموا الأغراب
اتقسمت أحزاب
عُبّاد كراسي وصولجان وخراب
يونيو الحزين…
على فين؟
يونيو الحزين دق بابك
يا مجمعة البحرين
واحنا الحطب في المعارك
نشرب عكارة الطين
