أنا أبن السويس …. بقلم خالد أحمد

أنا أبن السويس
وميلادي كان هنا في شميس
عشت فيها حياتي وعمري
أحياء وشوارع وبيوت
منقوشه جوه في قلبي
أبعد حبه وأرجع تاني
أحضن أرضك وأشكر ربي
معاكِ حزنت عليكِ يابلدي
ومعاكِ برضه عشت الفرحه
67 كانت أحزننا حاملة الهجرة
مشينا.. وسبنا بيوتنا حزانا
ودموعنا من عيوننا
على خدودنا بتسيل وبتجري
سبع سنوات كانت الهجرة
قلوبنا حزينه على فراقها
و73 جاء النصر بتكبير واحده
وبصوت واحد الله أكبر
نصر كان بصبر وشوق
لرد كرمة ورجوع أرضينا
بكرامه وعزة وكانت الفرحة
في 74 بقرار العودة ليكِ ياسويس
كانت شوارع فاضية وبيوت مهدودة
ودبابات إسرائلية
دمرها جنودنا والسويسة الفدائين
مركونه في كل مكان فيكِ يا غالية
عليها علامة النصر للسويسة المصريين
في شارع الجيش ويا النمسا وبورتوفيق
عشنا أيام ياسويس صعبة عشانك لما رجعنا
من ضعف النور وقلة خبز ويا الميه
لكن عوضها علينا رب العزة
أدينا رجعنا وعمرنا بيوتنا من تاني
وكل حبايبك رجعو عشانك
من الجناين لأحمد عبده
من كفر كامل للمنشية
من الأربعين والمثلث ويا الفرز والزتية
في كل مكان فيها كان التطهير من قيادتنا
من بواقي دبابة و مدفع
اللي بقيت بعد الهزيمة لأعداءنا
وبدأ التعمير يدخل يبني ويعمر
اللي أتكسر لينا في النكسه
بقرار رئاسه من رافع راسنا
وفاتح بيوتنا ويا قناتنا
اللي قفلها حماية لمصر بعد يونيه
بطل أكتوبر الراحل ساداتنا
قرر يبني أحياء جديده بناها عشانك
بناها مساكن للي راجع تاني
من الهجرة يسكن فيها
بداية كانت
الصباح مع فيصل وبعدها
الأيمان الأمل والموشي
وبعد فترة كان التخطيط لرسم جديد
سكة حديد أترفعت من قلب شوارعك
وأتنقلت لقرب حدودك
عمر وأبني ياسويسي وجمل بلدك
مش حتلاقي أرض مثيلها غيرها تشيلك
والله ياسويس أنا عمري ما نسيتك
دأنتِ في قلبي وجوه عيوني
مهما نبعد عنك حبه
نرجع ليكِ بشوق وبلهفه
مقدرش أعيش والله أنا من غيرك
حتى لو كنت بـ أعيش في الجنة
…. أنا أبن السويس.. وبحبك ياسويس ….
كلمات أبن السويس
الشاعر خالد أحمد
الشهير بـ خالد العطار
لحن عازف السمسمية
الأستاذ طارق القصاص