الشوفه ضباب …..بقلم حسام حسني أحمد

الشوفه ضباب
الليل متخبي ف ضهر الواد
الطرح نجيل والنظره هلاك
والنص طويل من غير أبعاد
العشق الطالل م الشباك
متعلق بيك
والحبل الواصل بين اللهفه ونني عنيك
في غيابك داب
بياع انابيب بيلاغي سراب
في مداين خوف وبيوت من نار
يا ابو قلب يمام
بتقول مجروح
وتصفي الروح
من شعر عبيط وهزايم شوق
ما اهو بكره تفوق
وتفيض اغاريد
والجرح بكلمه لوحده يطيب
بغناوي ” دياب ”
وغناوي ” منير ”
ما هو حلم وواخد ع المشاوير
ومسَلِّم
———-دايماً
—————–للترحال