هايجي عليكي يوم تستغربي فيه نفسك أوي
لما تشوفيه وكأنه خيال، او حاجة مش موجودة بعد ماكان هو كل حياتك والنفس اللي بتتفسيه نابع منه .
اللي كان سر سعادتك وحبك اللي بيجري ف دمك بقى بالنسبة لك ولا شيء مش بتحبيه ومش بتكرهيه
مابقتيش تدوري وراه ولا بقى يهمك سؤاله عنك من عدمه
تتعجبي إزاي بقيتي تفتكريه بالصدفة بعد ما كان مش بيفارق تفكيرك ثانية
تبتسمي بسخرية وإنت بتفتكري ايامك معاه ولهفتك عليه وشكك وغيرتك اللي كانوا مسودين عليكي عيشتك
مش عارفة إيه وصلك للمرحلة دي أو إيه وصلك لده وحتى قسوته عليكي اللي كانت بتوجعك وتهدك مابقتش
تشغل بالك
ﻷنك إتأكدتي إنه حقيقي مش بيحبك ولا بيقدرك
ﻷن اللي بيحب بجد مش بيضيع من إيده إنسان عايش عشانه وبيتمناله الرضا
لو حبك بجد ماكانش سابك ثانية تبكي وانتي بتشحتي منه الحنية واﻹهتمام
ماهو ما ينفعش يبقى أمانك وسندك واللي بتتحامي بيه يكون هو أول واحد يأذيكي ويجرحك
يبعتر بكرامتك الأرض ويدوس عليكي أوووي وكأنك عدوته مع إنه ولا مرة هان عليكي وكنتي بتخافي عليه وتضحي وتتنازلي لمجرد بس إنه ماينمش زعلان مع إنه هو اللي غلطان
التبلد ف المشاعر بيتولد بعد مرحلة طويلة من العذاب وليالي طويلة بتبكي فيهم بدل الدموع دم كل لما تفتكري إنك هونتي عليه وقدر يستقوى عليكي ويستهتر بمشاعرك ويرميها ف اقرب صندوق زبالة
بس بعد كده بترجعي تدريجيا لحياتك اللي كنتي نستيها ومستغربة إزاي كنتي عايشها قبله وهاتعشيها من بعده
تتنفسي بعمق وإنتي بترددي من قلبك الحمد لله ﻷنك فوقتي من لعنة و مرض كانوا بينهشوا ف قلبك وبيموتوكي ببطئ
بتتغيري وتبقي حد تاني جبان وخايف وبيلصم ف نفسه وهو فاقد الثقة ف كل اللي حواليه والخطوة اللي بيخطيها بيعملها ألف حساب
ﻷنك ببساطة مليتي من أحاسيس عيشتيها لحظة بلحظة ودقيقة بدقيقة ومش عايزة تعيشيها تاني عشان مابقاش في قلبك مكان لجرح جديد
مش عايزة تشحتي الحب تاني لمجرد إن قدرك ونصيبك وقعوكي في حب إنسان عمره ماقدرك ولا حس بيكي
وعلى قد مابتبقي حزينة على قد ما بترتاحي عارفة ليه ؟
عشان من جواكي نستيه ومبقاش شاغلك وجوده من عدمه .
عشان كرامتك رجعتلك وعرفتي قيمتك ودوقتي طعم الحياة المليانة بحاجات كتير اوي اكتر بكتير منه ومن جرحه وقسوته
الوقت اللي هاتتيقني فيه كل ده هو هو نفس الوقت اللي هاتضحكي فيه من قلبك وإنتي بتقولي اهو غار وغارت أيامه.
