دا مش كابوس
الكل شمر واستلم حتة
الشيعة حتة أردوغان حتة
ودي مصر صبحت ملطشة للكل
والله كتر خيري قادر اعيش
محتاجة حبة أكسوجين راسي
محتاج جبيرة تصلبه قلبي
لوكدبة بكر بتتشرب ع الريق
مع ميّة ف الأبريق
تسمي تروق
اسرق دقائق من عرين الزمن
وادخل جهنم ربع قرن وادوق
طعم العسل بالملح والصودا
دا مش كابوس دي الصورة ف بلادي
بغدادي تشبه ف الأسى صنعاء
والداء كأنه الداء بلاتمويه
والشعب راكن ضهره
ضهر ف ضهر
والكل شمر شمر الأعداء
واستلموا حتة ب حتة م الجتة
ف دمشق نفس المدبحة والغول
والشعب هوه ضحية العركة
قرب هنا بيقسموا التركة
الشيعة حتة أردوغان حتة
والباقي نفطر به مع البسكوت
حسبوها جمع وطرح بالسحتوت
ضربونا ضرب حرامي ف المولد
ضربونا ضرب حمار عنيد حرنان
ويصورونا ف صفحة م الجورنان
كاللاجئين الرحل المساكين
وبيكسبونا بأي شكل
كان
ف الدومونو ف الكونكان وف السيجا
الونش شالني الونش من بيتي
على إنّي راكن ف الطريق العام
وصحيت لقيتني بابص ع الفرشة
مبلول باطارد ف النشادر خام