ظنون الهجر جوايا …..بقلم أميره مهران

ظنون الهجر جوايا
بتهدم حبك الشامخ
وف الغالب أنا قلبى
بقى عاجز بقى شايخ
دا كان ف الاصل كله حياة
سكنت ربوعى غذيته
حلم وياك بحلم جميل
وفاق على غدر وكويته
دا عانى كتير اثر هجرك
وزيدت كتير ف طغيانك
دا فاق ولو أنه متأخر
دا صب العشق ف كيانك
وعاش وياك وعلشانك
نهايته تكون شقى وضياع
أنا ف النص بتمرجح
ما بين جواك واحلامى
وبين الجاى ووضعى الحالى قدامى
لا أنا بقبل ولا برفض
ولا بحزن ولابضحك
كما بالرقص ع السلم
أنا لو ع الصراط وياك
أحب أختار جنان روحك
أروح وبسرعة ملهوفة
أداوى حقيقى ف جروحك
أنام وأرتاح على كفك
ربوعى تكون ما بين روحك
وسكنى فى محيط كفييك
ألاقى فيك كدة براحى
وسكنى وحلو أيامى
كتير روحى بقت تشتاق
ترجع ليا أحلامى