. الأنظمة العربية تنقسم الي انظمة ملكية وانظمة جمهورية..حلو الكلام..
الملكية ياعم الحاج ..زي ماعلمونا في سنه اولي ٥٢ عملاء للاستعمار والامبريالية ومصدقين..
يعني يوم مامولانا الملك يقول..هاتوا النحاس يشكل الوزارة..بنبقي عارفين ..المندوب السامي ..كبير البلد اللي قال..
يوم ما الملك سعود بن عبد العزيز ملك السعودية ياخد استماره ٦ ويقولوله..ارحل …اطلع علي مصر اللي كنت بتهاجمها..بنبقي برضه عارفين ..
وهكذا كل تاريخ الممالك العربيه..كبارهم اجانب مستوردين من بره.. متنورين ومتعلمين وفاهمين الاصول..
كده الانظمه الملكية.. مستوردة تقفيل بره..لكن خد عندك الجمهوري..احيانا يدلعوها يسموها انظمه ثورية..ثورية مين ياروح امك..سميها تقفيل محلي..زي الادويه المحلي..زي جهاز علاج الكفته بتاع عبعاطي..قارن بين دبي وليبيا الثورة..المغرب والجزاير.. العراق والسعوديه ..ياراجل..ده الاردن نخلتين واربع معزات …دينارها قرب علي سبعين جنيه مصري..مش معني كده اني من انصار ده ولا ده..لكن قضا اخف من قضا..
في الانظمه الملكيه.. الشعب محجوب عبدالدايم ومراته ..مرافقه الباشا..راجل واحد نضيف ..والباشا نضف محجوب ورقاه ..في النظام التقفيل المحلي ..المواطن محجوب عبد الدايم .. مراته ..مرافقه بلطجية وصيع الحته.. ماتعدش ..بسنجه ومطوه ..ممكن يقتلوا محجوب ويشرحوه وياخد علي قفاه بلوشي..مزاج بقي ..راجع صفحة الحوادث وافلام السبكي ..
في الانظمه الملكيه انت ممكن تعرف ..من اين تاتي الرياح وتؤكل الكتف ..لكن التقفيل المحلي..هناك قوه خفيه لااحد يعلم اين تكمن ولامتي تظهر..تصحي م النوم مواطن صالح..تبات مقبوض عليك مضروب علي قفاك..وزير الزراعه يروح مجلس الوزرا وزير ..وراه تشريفه..يطلع من المجلس علي بعد خمسين متر..يقبضوا عليه..طلع حرامي غسيل..قوه خفيه يامولانا..
واحد يتعين وزير مايعرفش ليه..يقولوله فصل لك بدله زرقا وكرافته واغسل وشك..واجري احلف يمين..وراك التشريفه..نفس البدله الزرقا دي..ممكن القوه الخفيه تلبسها له جوه التخشيبه ..تنفع بدلة سجن ..نفس اللون ..صور ياصحافه ياحره..
في الحالتين ..نظام مستورد ولامحلي..معاليك ايها المواطن العزيز المحترم ..في الحالتين ..انت ياعزيزنا.. قواد ابن مره ….لامؤاخذه..لكن عرص عن عرص يفرق !!
